మాస్ మహారాజా రవితేజ హీరోగా నటిస్తున్న సినిమా రావణాసుర టాలీవుడ్ యంగ్ డైరెక్టర్ సుధీర్ వర్మ డైరెక్టర్ చేసిన ఈ సినిమాలో ఏకంగా ఐదుగురు హీరోయిన్లు రవితేజకు జోడిగా నటించారు. దక్ష నగార్కర్ – మేఘా ఆకాష్ – పూజిత పొన్నాడ – అను ఇమ్మానుయేల్ – ఫరియా అబ్దుల్లా హీరోయిన్లుగా నటించిన ఈ సినిమాను అభిషేక్ పిక్చర్స్ పతాకంపై అభిషేక్ నామా, రవితేజ సంయుక్తంగా నిర్మించారు. ఈ సినిమా ఈరోజు ప్రపంచవ్యాప్తంగా రిలీజ్ అయింది.
ఇప్పటికే ఓవర్సీస్ లో ప్రీమియర్ షోలు కూడా కంప్లీట్ అయిపోయాయి. అయితే గత కొద్ది గంటల నుంచి రావణాసుర సినిమాలో ఓ డైలాగ్ వీడియో లీక్ అయింది. ఇందులో రవితేజ చెప్పిన ఆ డైలాగ్ ఇప్పుడు మహిళల పట్ల తీవ్ర అభ్యంతర కరంగా ఉన్నట్టు అనిపిస్తుంది. ఈ డైలాగులో రవితేజ కంచం ముందుకి …మంచం మీదకి ఆడపిల్లలు పిలవంగనే రావాలి లేకపోతే నాకు మండుద్ది అంటూ రాక్షసంగా డైలాగ్ చెప్పాడు.
అయితే ఈ డైలాగ్ చాలా అభ్యంతరకరంగా ఉందని నెటిజన్లు మండిపడుతున్నారు. మహిళల పట్ల ఈ డైలాగ్ తీవ్ర అభ్యంతరకరంగా ఉందని.. వెంటనే దీనిని సినిమా నుంచి తొలగించాలని డిమాండ్ చేస్తున్నారు. అయితే రవితేజ అభిమానులు మాత్రం రావణాసుర అంటే ఆ మాత్రం ఉంటుంది.. నెగిటివ్ షేడ్కు తగ్గట్టు ఇలాంటి డైలాగులు లేకపోతే ఎలా ? అని కామెంట్లు చేస్తున్నారు. ఏది ఏమైనా ఈ డైలాగ్ ఇప్పుడు సోషల్ మీడియాను షేక్ చేస్తోంది.