ప్రస్తుతం పాన్ ఇండియా బాక్సాఫీస్‌ దగ్గర భారీ అంచనాలు ఉన్న లేటెస్ట్ సినిమాలలో ఒకటైన ఆదిపురుష్ పై ఇప్పుడు మరింత ఆసక్తి ఏర్పడుతుంది. పాన్ ఇండియా హీరో ప్రభాస్ హీరోగా, బాలీవుడ్ దర్శకుడు ఓం రౌత్ తెరకెక్కించిన ఈ భారీ ఇతిహాస కావ్యం భారతీయ సినిమా తెర‌పై భారీ బడ్జెట్ సినిమాల్లో ఒకటిగా నిలిచింది. వ‌చ్చే నెల 16న రిలీజ్ అవుతోన్న ఈ బిగ్గీ సినిమా విడుదల తేదీ దగ్గర పడటంతో సినిమా యూనిట్ కూడా సాలిడ్ అప్డేట్స్ ఇస్తూ వస్తున్నారు.
అలా రీసెంట్ గా ఈ సినిమా ఫస్ట్ సాంగ్ అలాగే, ప్రభాస్ రామ్ అవతారం గెటప్ పోస్టర్‌ను కూడా విడుదల చేశారు. రీసెంట్‌గా ఈ సినిమా ట్రైల‌ర్ రిలీజ్ చేయ‌గా ఈ సినిమాపై అంచనాలు నెక్స్ట్ లెవెల్‌కు వెళ్లాయి. ఈ సినిమా ప్రమోషన్స్ ఇప్పుడు స్టార్ట్ కాగా లేటెస్ట్ గా ఈ సినిమా టోటల్ రన్ టైంపై ఓ వార్త వైర‌ల్‌గా మ‌రింది. ఈ సినిమా రన్ టైం ఏకాంగా మూడు గంటల నిడివి వ‌చ్చేసింద‌ట.
సినిమా మొత్తం రన్ టైం 2 గంటల 54 నిమిషాల నిడివి వచ్చినట్టుగా ఓవర్సీస్ వర్గాలు కన్ఫర్మ్ చేస్తున్నాయి. అంటే మొత్తం 174 నిమిషాలు. ఈ రన్ టైం సినిమా బాగుంటే చాలా హెల్ప్ అవుతుంది. ఒకవేళ బాగోలేకపోతే మాత్రం తప్పకుండా ఆ ప్రభావం ఓపెనింగ్స్ పై పడుతుంది. ప్రభాస్ గ‌త సినిమాలు కూడా ఇంతే రన్ టైమ్‌తో వ‌చ్చి ఫ్లాప్ సినిమాలుగా నిలిచ్చాయి.
ఇప్పుడు ఆదిపురుష్ సినిమా ప్రేక్ష‌కుల‌కు క‌నెక్ట్ కాక‌పోతే ప్లాప్ అవుతుంద‌నే అనుమాలు కూడా ఉన్నాయి. బాహుబ‌లి సినిమాల లాగా ఈ సినిమా ఉంటే ప్రభాస్ క్రేజ్ మ‌రో లెవ‌ల్‌కు వెళుతుంది అని చెప్ప‌డంలో అతిశయోక్తి లేదు. ఏదేమైనా ఆదిపురుష్ రన్ టైం బ‌య‌ట‌కు రావ‌డంతో ప్రభాస్ ఫ్యాన్స్‌ను పెద్ద టెన్ష‌న్‌లో ప‌డేశాడు.