డ‌ల్లాస్ సాక్షిగా … విదేశీ జ‌నాల్లో టాలీవుడ్‌ రేంజ్ చూపించిన డైరెక్ట‌ర్ వీఎన్‌. ఆదిత్య ..!

కమర్షియల్ హంగులతో .. సందేశాత్మక చిత్రాలను తెరకెక్కించడంలో వీ.ఎన్.ఆదిత్య దిట్ట అని చెప్పాలి.. ముఖ్యంగా మనసంతా నువ్వే, నేనున్నాను, శ్రీరామ్ వంటి సూపర్ హిట్ చిత్రాలతో తన ప్రత్యేకతను చాటుకున్న ఈయన డైరెక్షన్లో సినిమా వస్తోందంటే మంచి ఫీల్ గుడ్ మూవీ వస్తుందనే ఆలోచన ప్రేక్షకులలో కలిగింపజేశారు. కుటుంబంతో కలిసి చూసే విధంగా సినిమాలను తెరకెక్కించే డైరెక్టర్ గా పేరు దక్కించుకున్న ఈయన.. ఎన్నో విజయవంతమైన చిత్రాలకు దర్శకత్వం వహించారు.. ఇకపోతే గత కొంతకాలంగా వరుస ప్రాజెక్టులతో బిజీగా ఉన్న ఈయన.. త్వరలోనే వాటన్నింటినీ విడుదలకు సిద్ధం చేస్తున్నారు.. ఈ క్రమంలోనే ఈయన సినిమాలకు సంబంధించిన మరో కొత్త అప్డేట్ తెరపైకి వచ్చింది.. త్వరలోనే వీ. ఎన్. ఆదిత్య మరో కొత్త సినిమాతో ప్రేక్షకుల ముందుకు రానున్నారు

ఓఎంజి ప్రొడక్షన్ హౌస్ అనే కొత్త నిర్మాణ సంస్థలు డాక్టర్ మీనాక్షి అనిపిండి నిర్మాతగా కొత్త సినిమా రాబోతున్నట్లు సమాచారం. ఈ మేరకు జూలై 7 ఆదివారం రోజు అమెరికాలోనే టెక్సాస్ రాష్ట్రంలోని డల్లాస్ నగరంలో లాకింట బంకేట్ హాల్లో నిర్వహించిన సమావేశంలో కొత్త సినిమా ప్రకటన చేశారు.. అంతే కాదు వీ.ఎన్. ఆదిత్య డైరెక్షన్లో రాబోతున్న ఈ కొత్త సినిమా షూటింగ్ కూడా డల్లాస్ లో జరగబోతుందని త్వరలోనే సెట్ మీదకు వెళుతుందని మేకర్ స్పష్టం చేశారు.

తాజాగా ఓఎంజి ప్రొడక్షన్ హౌస్ వారు ఆడిషన్స్ నిర్వహించగా ఈ కార్యక్రమంలో ప్రవాస భారతీయులు.. మాత్రమే కాకుండా విదేశీయులు స్పానిష్ పీపుల్స్ ,ఆఫ్రికన్స్, అమెరికన్స్, యూరోపియన్స్, ఏషియన్స్, ఇండియన్ అలాగే తమిళ్, కన్నడ, తెలుగు వారు కూడా భారీ సంఖ్యలో ఈ సినిమాలో నటించడానికి ఆసక్తి చూపిస్తూ.. ఆడిషన్స్ లో పాల్గొంటున్నారు.. మొత్తానికైతే వీ.ఎన్.ఆదిత్య డైరెక్షన్లో సినిమా అంటే కచ్చితంగా సున్నితమైన భావోద్వేగాలకు పెద్దపీట వేస్తారని ప్రేక్షకులు నమ్ముతున్నారు.. మరోవైపు ఒక తెలుగు సినిమా ఆడిషన్ కి దేశం కానీ దేశంలో ఇంతటి రెస్పాన్స్ రావడానికి కారణం కూడా ఇదే.. !

ఈ కార్యక్రమం ఇంత విజయవంతంగా జరగడానికి సహకరించిన డల్లాస్ మూవీ బఫ్స్ వాట్సాప్ గ్రూప్ , ఫేస్బుక్ పేజెస్ అడ్మిన్స్ , లాకింట్ హోటల్ మేనేజ్మెంట్ అండ్ స్టాప్ మీడియా ఇన్ఛార్జ్ మమతా కాసం, శ్రీమతి సజితా నాయుడు తిరుమల శెట్టి, రష్మీ, వరుణ్, కమల్ నందికొండ, కార్తిక్ అనిపిండి, డాక్టర్ ఇస్మాయిల్, శ్రీనివాస్ కల్లూరి, గోవర్ధన్, కిషన్ తదితరులకు ధన్యవాదాలు తెలిపారు వీ.ఎన్. ఆదిత్య.