మెగాస్టార్ చిరంజీవి హీరోగా మోహన్ రాజా దర్శకత్వంలో తెరకెక్కుతున్న సినిమా గాడ్ ఫాదర్. మలయాళంలో సూపర్ హిట్ గా నిలిచిన లూసిఫర్ సినిమాకు ఇది రీమేక్. మాతృకలో మంజు వారియర్ నటించిన పాత్రలో నయనతార నటిస్తోంది. ఆమె భర్తగా సత్యదేవ్ నటిస్తున్నాడు. ఈ సినిమా టీజర్ ఇటీవల విడుదలై ఆకట్టుకున్న సంగతి తెలిసిందే. తాజాగా ఈ సినిమాలో నటిస్తున్న నయనతార ఫస్ట్ లుక్ పోస్టర్ విడుదల చేశారు.
సత్య ప్రియ జైదేవ్ గా నయనతార పాత్ర ని పరిచయం చేశారు. పొలిటికల్ డ్రామాగా తెరకెక్కుతున్న ఈ సినిమాలో ముఖ్యమంత్రి కూతురు పాత్రలో నయనతార నటిస్తోంది. చైర్ లో కూర్చుని వచ్చిన ఫ్యాక్స్ ని సీరియస్ గా చదువుతున్నట్లుగా నయనతార కనిపిస్తోంది. కాగా ఈ సినిమా దసరా కానుకగా అక్టోబర్ 5వ తేదీన విడుదల కానున్నట్లు ఈ చిత్ర మేకర్స్ ఇది వరకే ప్రకటించిన సంగతి తెలిసిందే.
అయితే ఈ సినిమాకు సంబంధించిన ప్రమోషన్స్ ఇంకా ప్రారంభం కాకపోవడంతో ఈ సినిమా దసరాకు విడుదల అవుతుందా.. లేదా..అనే సందేహం నెలకొంది. కాగా తాజాగా నయనతార పాత్రను పరిచయం చేస్తూ విడుదల చేసిన పోస్టర్ లో ఈ సినిమాను అక్టోబర్ 5వ తేదీన ప్రపంచ వ్యాప్తంగా విడుదల చేస్తున్నట్లు మరోసారి మేకర్స్ క్లారిటీ ఇచ్చారు. దీంతో ఈ సినిమా దసరా పండుగకు రావడం ఖాయమైంది. ఈ సినిమాతో పాటు అదే రోజున నాగార్జున హీరోగా నటించిన ఘోస్ట్ కూడా విడుదల కానుంది.
Introducing Lady Superstar #Nayanthara as 'Sathyapriya Jaidev' from the world of #GodFather ❤️🔥
First Single update soon🔥
GRAND RELEASE ON OCT 5
Megastar @KChiruTweets @BeingSalmanKhan @jayam_mohanraja @ActorSatyaDev @MusicThaman @LakshmiBhupal @AlwaysRamCharan @ProducerNVP pic.twitter.com/XEcTktasSj
— Konidela Pro Company (@KonidelaPro) September 8, 2022