ఇండియాలో విపరీతమైన ఫాలోయింగ్ ఉన్న నటులలో సూపర్ స్టార్ మహేష్ ఒకరు. మహేష్ నటన మాత్రమే కాదు, అతని దాతృత్వ స్వభావం కూడా మహేష్కి మరింత అభిమానులను సంపాదించిపెట్టింది. సుమారు 1000 మంది పిల్లల గుండె ఆపరేషన్లకు మహేష్ సహాయం అందించాడు.
ఆగస్ట్ 9 న మహేష్ పుట్టినరోజును పురస్కరించుకుని ప్రపంచవ్యాప్తంగా కల్ట్ ఇండస్ట్రీ హిట్ పోకిరి స్పెషల్ షోలను అభిమానులు ఏర్పాటు చేస్తున్న సంగతి తెలిసిందే. ఇప్పుడు అభిమానులు మరియు పంపిణీదారులు ఒక గొప్ప పని కోసం ఏకమయ్యారు. ఈ షోల ద్వారా వచ్చే మొత్తాన్ని పిల్లల గుండె ఆపరేషన్లు మరియు పేద పిల్లలకు విద్య కోసం MB ఫౌండేషన్ ద్వారా విరాళంగా ఇవ్వాలని వారు నిర్ణయించుకున్నారు.
ఒక గొప్ప కార్యానికి సహకరించేందుకు అభిమానులు మహేష్ అడుగుజాడలను అనుసరిస్తున్నారు . ఇప్పటికే టిక్కెట్లు హాట్ కేకుల్లా అమ్ముడవుతున్నాయి .ఇది నిజంగా అభిమానులు మరియు పంపిణీదారుల నుండి చాలా మంచి పని. ఇది అందరు మెచ్చుకోవాలి.