టాలీవుడ్ యంగ్టైగర్ జూనియర్ ఎన్టీఆర్ త్రిబుల్ ఆర్ సినిమా తర్వాత యేడాది పాటు లాంగ్ గ్యాప్ తీసుకుని నటిస్తోన్న సినిమా దేవర. కొరటాల శివ దర్శకత్వంలో తెరకెక్కుతోన్న ఈ సినిమా షూటింగ్ రెండు షెడ్యూల్స్ కూడా పూర్తయ్యింది. ఈ సినిమాను పట్టాలు ఎక్కించేందుకు దర్శకుడు కొరటాల ఆరేడు నెలల నుంచి ఊరిస్తూ ఊరిస్తూ వచ్చి ఎట్టకేలకు ఏప్రిల్ చివరి నుంచి స్టార్ట్ చేశాడు.
హీరోయిన్గా దివంగత అతిలోక అందాల సుందరి శ్రీదేవి పెద్ద కుమార్తె జాన్వీకపూర్ నటిస్తోంది. జాన్వీకపూర్కు సౌత్ ఇండస్ట్రీలోనే కాకుండా.. ఇటు తెలుగులోనూ ఇదే ఫస్ట్ సినిమా. జాన్వీ తెలుగులో ఫస్ట్ ఏ హీరోతో నటిస్తుందన్న తీవ్ర ఉత్కంఠకు ఎట్టకేలకు ఎన్టీఆర్ – కొరటాల తెరదించేశారు. అయితే ఈ సినిమా నుంచి వస్తోన్న ఒక్కో అప్డేట్ సినిమాపై తీవ్ర ఉత్కంఠతో పాటు అంచనాలు పెంచేస్తోంది.
ఈ క్రమంలోనే హీరోయిన్ జాన్వీకపూర్ గురించి ఓ మైండ్ బ్లాకింగ్ అప్డేట్ బయటకు వచ్చింది. జాన్వీ ఇందులో ఓ అండర్ కవర్ ఆఫీసర్గా నటిస్తుందట. సముద్రం ఒడ్డున కోస్టల్ ఏరియాలో ఓ డాన్ అయిన ఎన్టీఆర్పై నిఘా పెట్టేందుకు నేవీ అధికారులు ఆమెను అక్కడకు పంపుతారట. జాన్వీ అక్కడ ఓ జాలరి యువతిగా నటిస్తూ ఎన్టీఆర్ గుట్టు కనుగొనే ప్రయత్నాల్లో ఉంటుందట.
అయితే ఆమె క్యారెక్టర్ రివీల్ అయ్యే ట్విస్టు ప్రి ఇంటర్వెల్ టైంలో వస్తుందని.. ఈ సీన్ థియేటర్లలో చూస్తుంటే ఫ్యీజులు ఎగిరిపోయేలా ఉంటుందని మేకర్స్ అప్పుడే లీకులు వదిలేశారు. నిజంగా ఈ సినిమాలో సముద్రంలో వచ్చే యాక్షన్ సీన్లు, ఎన్టీఆర్, జాన్వీ పాత్రలు కథనం వింటుంటే ఎన్టీఆర్ తన ఖాతాలో మరో బ్లాక్బస్టర్ వేసుకోవడం ఖాయంగా కనిపిస్తోంది. ఈ సినిమాను 2024 ఏప్రిల్ 5వ తేదీన విడుదల చేస్తున్నారు. అప్పటి వరకు ఫ్యాన్స్ కళ్లు కాయలు కాచేలా వెయిట్ చేయక తప్పదు.