నట‌సింహం నందమూరి బాలకృష్ణ ప్రస్తుతం టాలీవుడ్ లో బ్యాక్ టు బ్యాక్ సినిమాలతో దూసుకుపోతున్నాడు. ఇప్పటికే అఖండ, వీర సింహారెడ్డి లాంటి బ్యాక్ టు బ్యాక్ సక్సెస్ అందుకున్న బాలయ్య హ్యాట్రిక్ విజయంపై కూడా కన్నేసాడు. బాలకృష్ణ- అనిల్ రావిపూడి తో చేస్తున్న భగవంత్ కేసరి కూడా దసరా కనకగా అక్టోబర్ 19న ప్రేక్షకుల ముందుకు రానుంది. ఇప్పటికే ఈ సినిమా నుంచి వచ్చిన ఫస్ట్ లుక్, టీజర్‌ సినిమాపై అంచనాలు పెంచేసాయి.
అనిల్ రావిపూడి కూడా ఈ సినిమాను తన గ‌త సినిమాలకు భిన్నంగా మాస్ యాక్షన్ సినిమాగా తెర్కెక్కిస్తున్నాడు. ఇప్పటికే చాలా వరకు షూటింగ్ కంప్లీట్ చేసుకుంది.అయితే ఇప్పుడు గతంలో బాలయ్యకు బ్యాక్ టు బ్యాక్ విజయాలు అందించిన బ్లాక్ బస్టర్ సీనియర్ దర్శకుడు బి గోపాల్ గురించి ఓ ఇంట్రెస్టింగ్ వార్త బయటకు వచ్చింది. గతంలో బాలయ్యకు బి గోపాల్ రౌడీ ఇన్స్పెక్టర్, లారీ డ్రైవర్, నరసింహనాయుడు, సమరసింహారెడ్డి వంటి ఇండస్ట్రీ హిట్ విజయాలనులను అందించాడు.
వీరి కాంబినేషన్లో చివరగా పల్నాటి బ్రహ్మనాయుడు వచ్చింది. ఈ సినిమా తర్వాత మళ్లీ ఈ కాంబినేషన్లో మరో సినిమా రాలేదు. అయితే ఇప్పుడూ బి.గోపాల్ బాలకృష్ణతో ఓ సినిమా చేయడానికి ప్లాన్ చేస్తున్నాడట. అదేవిధంగా ఈ సినిమాతో తన రిటైర్మెంట్ కూడా ప్రకటించనున్నాడట. రీసెంట్గా బి గోపాల్ తిరుమలలో కనిపించినప్పుడు కూడా బాలకృష్ణతో సినిమా చేస్తానని కూడా ప్రకటించాడు.
బాలయ్య కోసం ఓ పవర్ ఫుల్ కథను రెడీ చేస్తున్నామని ఆయన డేట్స్ సర్దుబాటు అవగానే ఈ సినిమా షూటింగ్ ప్రారంభమవుతుందని బి గోపాల్ చెప్పుకొచ్చారు. ప్రస్తుతం బాలయ్య కూడా బ్యాక్ టు బ్యాక్ సినిమాలతో బిజీగా ఉన్నారని..ఆయన ఎప్పుడు గ్రీన్ సిగ్నల్ ఇస్తే అప్పుడు ఈ సినిమా స్టార్ట్ అవుతుందని గోపాల్ పరోక్షంగా వెల్లడించారు. అయితె బాలయ్య ఈ దర్శకుడుకి చివరి సినిమా అవకాశం ఇస్తారా లేదా అనేది తెలియాలంటే మరికొన్ని రోజులు ఆగాల్సిందే.