నందమూరి నట‌సింహ బాలకృష్ణ ప్రస్తుతం NBK 108 సినిమాలో నటిస్తున్న సంగతి తెలిసిందే. అనిల్ రావిపూడి దర్శకత్వంలో కాజల్ హీరోయిన్ గా, శ్రీ లీల కి రోల్ లో తెరకెక్కనున్న ఈ సినిమాకు సంబంధించి ఇప్పటికే కొన్ని పోస్టర్స్ రిలీజ్ అయ్యి ప్రేక్షకులలో అంచనాలను పెంచేశాయి. బాలయ్య వరుస విజ‌యాల‌తో జోరు మీద ఉండడంతో పాటు ఇప్పటికే ఆరు వరుస సూప‌ర్ హిట్ల డైరెక్టర్ అయిన అనిల్ రావిపూడి డైరెక్ట్ చేస్తోన్న కావ‌డంతో ఈ సినిమాపై మరింత ఆసక్తి పెరిగింది.
ఇక అసలు విషయానికి వస్తే జూన్ 10న బాలకృష్ణ పుట్టిన రోజు నాడు NBK 108 సినిమా టైటిల్, టీజర్ రిలీజ్ చేయడానికి అనిల్ ప్లాన్ చేస్తున్నాడట. ఈ టీజర్ సినిమాపై అంచనాలను మరింత పెంచే విధంగా ఉంటుందని సినీ వర్గాలలో టాక్ నడుస్తుంది. ఇదేకాక ఆ రోజున తన కొత్త సినిమా అనౌన్స్మెంట్ కూడా ఉందని యంగ్ డైరెక్టర్ వెంకటేష్ మహాతో బాలయ్య నెక్స్ట్ సినిమా సెట్స్ పైకి రానున్నట్టు ఆ సినిమాకి టైటిల్ కూడా ప్ర‌క‌టిస్తార‌న్న వార్తలు సోషల్ మీడియాలో తెగ వైరల్ అవుతున్నాయి.
ఇక ఒకేసారి రెండు సినిమాల టైటిల్స్ కాకుండా.. అఖండకి సీక్వెల్ గా వస్తున్న అఖండ 2 సినిమాకు సంబంధించిన అప్డేట్స్ కూడా ఆ రోజు రిలీజ్ కానున్నాయట. అయితే ఈ సినిమా పొలిటికల్ బ్యాక్ గ్రౌండ్ తో బోయపాటి తెర‌క్కెకించ‌న్నున్న‌ట్టు వార్తలు వినిపిస్తున్నాయి. అంతేకాక ఈ సినిమా ఎలక్షన్స్ ముందే రిలీజ్ కానుంది.
జనవరి నాటికి ఏపీలో ఎలక్షన్ మూడ్ స్టార్ట్ అవుతుంది. ఆ తర్వాత బాలయ్యకు ఎలక్షన్ పనుల్లో బిజీగా ఉండడంతో ఈలోపే కమిటైన ప్రాజెక్ట్స్ పూర్తి చేస్తారు అనే వార్తలు వినిపిస్తున్నాయి. ఏదేమైనాప్పటికీ ఈ సంవత్సరం బాలయ్య పుట్టినరోజు సందర్భంగా నందమూరి ఫ్యాన్స్ కి ఒకటికి మూడు సర్ ప్రైజ్ లు వ‌స్తున్నాయి.