ప్రపంచం గర్వించద‌గ్గ దర్శకుల్లో రాజమౌళి ఒకడు. తాజాగా వచ్చిన త్రిబుల్ ఆర్- బాహుబలి సినిమాలతో ప్రపంచ స్థాయి దర్శకుడుగా పేరు తెచ్చుకున్నాడు. ఆయన సినిమాలకు హీరోలతో సంబంధం లేకుండా రాజమౌళి బ్రాండ్‌తోనే వందల కోట్ల బిజినెస్ జరుగుతుంది. తెలుగు చిత్ర పరిశ్రమ స్థాయిని 40 కోట్ల నుంచి 800 కోట్ల బిజినెస్ చేసే స్థాయికి రాజమౌళి తీసుకువెళ్లాడు. ఈయన తీసిన సినిమాలతో భారతదేశం మొత్తం టాలీవుడ్ వైపు చూసేలా చేశాడు. రాజమౌళి తీసిన 12 సినిమాల కలెక్షన్లు వివరాలు ఇప్పుడు చూద్దాం.
1.స్టూడెంట్ నంబ‌ర్ 1 : మూడు కోట్లుతో నిర్మించిన స్టూడెంట్ 1 సినిమాని నాలుగు కోట్లుకు అమ్మగా 12 కోట్లు వ‌సూలు చేసింది.
2.సింహ‌ద్రి : ఎనిమిది కోట్లుతో నిర్మించిన సింహ‌ద్రి 13 కోట్లుకు అమ్మగా 26 కోట్లు వ‌సూలు చేసింది.
3. సై: 5కోట్లు బడ్జెట్ తో నిర్మిత‌మైన సై 7 కోట్లుకు విక్ర‌యించ‌గా 9.5 కోట్లు వ‌చ్చాయి.
4. ఛ‌త్ర‌ప‌తి: 10 కోట్లుతో నిర్మించిన ఛ‌త్ర‌ప‌తి 13 కోట్లుకు అమ్మగా 21 కోట్లు రాబట్టింది.
5.విక్ర‌మార్కుడు: 11 కోట్లుతో తెరకెక్కిన విక్ర‌మార్కుడు 14 కోట్లుకు అమ్మగా, 19.50 కోట్లు వ‌సూలు చేసింది.
6.య‌మ‌దొంగ: 18 కోట్లుతో నిర్మించిన య‌మ‌దొంగ రు. 22 కోట్లుకు అమ్మ‌డు పోయింది. రు. 28.75 కోట్లు క‌ల‌క్ష‌న్స్ సాధించింది.
7. మ‌గ‌ధీర: 44 కోట్లుతో తెరకెక్కిన మ‌గ‌ధిర 48 కోట్లుకు అమ్మగా 151 కోట్లు కొల్ల‌గొట్టింది.
8.మ‌ర్యాద‌రామ‌న్న: 14 కోట్లుతో నిర్మిత‌మైన మ‌ర్యాద‌రామ‌న్న 20 కోట్టుకు అమ్ముడుపోయింది. 29 కోట్లు వ‌సూలు చేసింది.
9. ఈగ: భారీ గ్రాఫిక్స్ తో తెరకెక్కిన ఈగ ఈ సినిమాను 26 కోట్లతో నిర్మించారు. 32 కోట్లకు అమ్మగా.. ఈ సినిమా 42.30 కోట్లను రాబట్టింది.
10. బాహుబలి ది బిగినింగ్ : 136 కోట్లుతో నిర్మించ‌న బాహుబలి బిగినింగ్ 191 కోట్లుకు అమ్మగా 602 కోట్లు వ‌సూలు చేసింది.
11.బాహుబలి 2: ప్ర‌భాస్ వీరోచితంగా న‌టించిన బాహుబలి ది కంక్లూజ‌న్ 250 కోట్లుతో నిర్మిత‌మై వంద రోజుల్లో 1917 కోట్లు రాబ‌ట్టి ఔరా అనిపించింది.
12. ఆర్‌ఆర్‌ఆర్: ఎన్టీఆర్ రామ్- చరణ్ హీరోగా 500 కోట్ల భారీ బడ్జెట్ తో తెరకెక్కిన త్రిబుల్ ఆర్ సినిమా 600 కోట్లకు అమ్మగా 1135 కోట్లను ఈ సినిమా రాబట్టింది.
