టాలీవుడ్ సీనియర్ డైరెక్టర్ గుణశేఖర్ అంటేనే మనకు భారీ భారీ సినిమాలు గుర్తుకు వస్తాయి. మహేష్ బాబుతో ఒక్కడు, సైనికుడు, చిరంజీవితో మృగరాజు లాంటి భారీ బడ్జెట్ సినిమాలు తెరకెక్కించిన ఘనత గుణశేఖర్‌దే. ఆ తర్వాత అనుష్క, రానా, బన్నీ కాంబినేషన్లో వచ్చిన రుద్రమదేవి సినిమాతో గుణశేఖర్ కం బ్యాక్ అయ్యాడు. ఆ సినిమా తర్వాత సమంత ప్రధాన పాత్రలో తరకెక్కించిన శాకుంతలం పెద్ద డిజాస్టర్ అయ్యింది. ఈ సినిమా దెబ్బతో గుణశేఖర్ మళ్ళీ పాతాళంలో పడిపోయాడు.
ఇది ఇలా ఉంటే గుణశేఖర్ డిం డ్రీమ్ ప్రాజెక్టులలో హిరణ్యకశ్యప ఒకటి. ఈ సినిమా ఏళ్ల తరబడి పోస్ట్ ప్రొడక్షన్ పనులు జరుపుకుంటుంది. అసలు ఈ ప్రాజెక్టు లేట్ అవ్వడంతోనే గుణశేఖర్ దానిని పక్కన పెట్టి సమంతతో శాకుంతలం సినిమా తెరకెక్కించారు. ఇక ఇప్పుడు గుణశేఖర్ హిరణ్యకశ్యప సినిమాను పట్టించుకునే వారే లేరు. ఈ సినిమాను రానాతో తెరకెక్కించాలని అనుకున్నాడు గుణశేఖర్. అయితే ఇప్పుడు రానా హిరణ్యకశ్యప సినిమాకు త్రివిక్రమ్ కథ అందిస్తున్నట్టుగా ప్రకటించడంతో ఈ సినిమా నుంచి గుణశేఖర్‌ను తీసేసినట్టు చెప్పకనే చెప్పేశాడు.
దీనిపై గుణశేఖర్ రానా, త్రివిక్రమ్ పేర్లు చెప్పకుండానే పరోక్షంగా విమర్శలు చేశారు. మీ స్టోరీకి దేవుడిని ఇతివృత్తంగా తీసుకున్నప్పుడు.. ఆ దేవుడు మీలో ఉన్న చిత్తశుద్ధిని కూడా గమనిస్తూనే ఉంటాడు అన్న విషయం గుర్తుపెట్టుకోవాలి.. అనైతిక చర్యలకు నైతిక విలువలతో జవాబు చెప్పే రోజు కచ్చితంగా వస్తుంది అంటూ గుణశేఖర్ సంచలన ట్వీట్ చేశాడు.
ఇప్పుడు ఈ ట్వీట్ వైరల్ అవ్వడంతో ఇది రానా, త్రివిక్రమ్‌ను ఉద్దేశించి చేసిందే అని ఇండస్ట్రీలో ప్రచారం జరుగుతోంది. తాను ఎంతో కష్టపడి హిరణ్యకశ్యప సినిమా కథను తయారు చేసుకున్నానని.. ఇప్పుడు రానా తనతో కాకుండా త్రివిక్రమ్ తో ఈ సినిమా ఉందని ప్రకటించడానికి సిగ్గు, నీతి లేదా అంటూ గుణశేఖర్ ఫైర్ అవుతున్నాడని నేటిజన్లు గుసగుసలాడుకుంటున్నారు.