నటరత్న ఎన్టీఆర్ తన సినీ కెరీర్లో ఎన్నో సూపర్ హిట్ సినిమాల్లో నటించారు. ఎన్నో గొప్ప సినిమాలను తెలుగు చిత్ర పరిశ్రమకు అందించారు. ఇక అదే విధంగా తన సినిమాలతో తెలుగు చిత్ర పరిశ్రమ గతిని కూడా ఎన్టీఆర్ మార్చారు. అలా ఎన్టీఆర్ తెలుగు సినిమా గతిని మార్చిన సినిమాలలో అడవి రాముడు సినిమా కూడా ఒకటి.. 1977 లో వచ్చిన ఈ సినిమాతో తెలుగు చిత్ర పరిశ్రమ సినిమాల ఫార్ములా మొత్తం మారిపోయింది.
ఇక కథ పాటలు అన్నీ హీరో చుట్టూ తిరుగుతూ అసలైన కథానాయకుడు హీరో అనే అన్నట్లుగా చూపించిన సినిమా అడవి రాముడు. ఈ సినిమా ప్రేక్షకుల ముందుకు వచ్చి సూపర్ హిట్ అయింది. 1977 ఏప్రిల్ 28న ఈ సినిమా టాలీవుడ్‌ చరిత్రనే తిరగరాసింది. అదేవిధంగా ఎన్టీఆర్ స్టైల్ కూడా అంతా మారిపోయింది. ఈ సినిమా షూటింగ్ మొదలయ్యే సమయానికి ఎన్టీఆర్ 55 ఏళ్ల వయసులో ఉన్న తన వయసును పట్టించుకోకుండా యువకుడిలా జయప్రదతో ఆడి పాడటమే కాకుండా నాటి యువతకి ఐ కాన్ స్టార్ గా మారాడు.
ఇక ఎన్టీఆర్ స్టైల్ ను ఆనాటి యువత ఎంత విపరీతంగా ఫాలో అయ్యారు అంటే అడవి రాముడు సినిమా యువతను ఎంతగా ఆకట్టుకుందో ప్రత్యేకంగా చెప్పనక్కర్లేదు. ఈ సినిమాలో ఆరేసుకోబోయి పారేసుకున్నాను అన్న పాట కోటి రూపాయల పాటుగా ఆ రోజుకి ఈ రోజుకి చరిత్రలో నిలిచిపోయింది. అయితే తెలుగు సినిమా చరిత్ర గురించి చెప్పుకోవాలీ అంటే అడవి రాముడు గురించి కచ్చితంగా విని తీరాల్సిందే.
మొత్తానికి తెలుగు సినిమాను అడవిరాముడుకు ముందూ తర్వాత అన్నంతగా విడదీసి మరీ సరికొత్త అధ్యాయానికి శ్రీకారం చుట్టిన క్రెడిట్ మాత్రం అడవిరాముడిదే. ఈ సినిమాకు ముందు ఎన్నో సినిమాల టైటిల్స్ రాముడుగా ఎన్టీయార్ వి వచ్చాయి. కానీ అడవి రాముడు మేజూ క్రేజూ మాత్రం వాటికీ రాలేదూ. అడవి రాముడు అంటే ఎప్పటికీ ఎన్టీఆర్ మరి.