సుమలత 1980 సౌత్ సినిమా ఇండస్ట్రీని అందచందాలతో ఒక ఊపు ఊపేసింది. సుమలత అచ్చ తెలుగు ఆడపడుచు. ఆమె స్వస్థలం ఉమ్మడి గుంటూరు జిల్లాలోని రేపల్లె. రేపల్లెలో జన్మించిన సుమలత తెలుగులో స్టార్ హీరోయిన్గా ఒక వెలుగు వెలిగింది. ఆ తర్వాత ఆమె తమిళంతో పాటు కన్నడంలోనూ ఎన్నో సినిమాలలో నటించింది. ఈ క్రమంలోనే అప్పట్లో కన్నడ రెబల్ స్టార్ గా పేరున్న అంబరిష్‌తో ప్రేమలో పడింది. ముందు సుమలత మంచితనాన్ని చూసి అంబరీష్ పెళ్లి చేసుకుంటానని ప్రపోజల్ పెట్టాడు.
సుమలత ఒప్పుకోలేదు.. ఆ తర్వాత అంబరీష్ మనస్తత్వాన్ని అర్థం చేసుకున్న ఆమె పెళ్లికి ఒకే చెప్పింది. అయితే వీరిద్దరి పెళ్లి చెడగొట్టేందుకు సుహాసిని ఎన్నో ప్రయత్నాలు చేసిందట. సుమలతది చాలా మృదువైన మనస్తత్వం.. అటు అంబరీష్ చాలా హార్డ్‌గా, ర‌ఫ్‌గా ఉంటాడు.. మీ ఇద్దరికీ అస్సలు కుదరదు.. అంబరీష్ చూడడానికి రౌడీలా ఉంటాడు.. అతడిని ఎలా ? పెళ్లి చేసుకుంటావే బాబు అని గోల గోల చేసింది అట.
నువ్వు మాత్రం అంబరీష్ ని పెళ్లి చేసుకోవడానికి వీల్లేదు అని కండిషన్ పెట్టింది అట. అయితే సుమలత అంబరీష్ ను మనస్పూర్తిగా నమ్మడంతో అతడిని పెళ్లాడింది.. తర్వాత కొద్ది రోజులకు సుహాసిని బెంగళూరు వెళ్ళినప్పుడు సుమలత ఇంటికి వెళ్లిందట. అప్పటికే సుమలత.. సుహానిని త‌న‌ను పెళ్లాడ‌వ‌ద్ద‌ని చెప్పిన విషయాన్ని తన భర్త అంబరీష్ చెవిలో వేసిందట.
అప్పుడు అంబరీష్ సుహాసినితో ఏమ్మా ? నీకు నేను ఏం అన్యాయం చేశాను నా పెళ్లి చెడగొట్టాలని ఎందుకు ? అనుకున్నావు అంటూ సరదాగా సుహాసినిని ఆటపట్టించారు అట. అయితే వాస్తవంగా సుహాసినికి మరో ఉద్దేశం లేదు. సుమలత లాంటి మృదువైన మనిషి అంబరీష్ తో ఎలా ? ఉండగలుగుతుందో అన్న సందేహంతోనే ఇలా చెప్పిందట. ఈ విషయాన్ని సుమలత ఓ ఇంటర్వ్యూలో స్వయంగా చెప్పారు.