చిత్ర పరిశ్రమలో హీరోలుగా ఎంట్రీ ఇచ్చి స్టార్ హీరోలుగా మారిన వారు ఆరు పదుల వయసు వచ్చినా కూడా తగ్గేదేలే అంటూ కుర్ర హీరోయిన్లతో ఈ ముసలి హీరోలు వరుస సినిమాలు చేస్తూ ఉంటారు. ఇప్పుడు హీరోలుగా క్రేజ్ తగ్గిపోతే ఆ హీరోలే విలన్ గా కూడా చేస్తున్నారు. కానీ వారు తండ్రి క్యారెక్టర్లు మాత్రం చేయడం లేదు. అదే సమయంలో హీరోయిన్లకు మాత్రం ఆ అవకాశం ఉండదు. వారికి మూడు ప‌దులు వయసు దాటితే చాలు హీరోయిన్గా రిటైర్ అయిపోవాల్సిందే.
ఇదే సమయంలో వారికి అదృష్టం బాగుంటే మరో ఐదు సంవత్సరాలు హీరోయిన్గా నటిస్తారు కానీ ఆ తర్వాత మాత్రం అక్క, వదిన పాత్రలు చేయాల్సిందే. అంతేకాకుండా అవసరం వస్తే తల్లి పాత్రలైనా చేయాలి.. ఇలా కొంతమంది హీరోయిన్లు తాము ఆడి పాడిన హీరోలకే తల్లిగా నటించే అవకాశాలు కూడా వస్తాయి. అలా మెగాస్టార్ చిరంజీవికి జంటగా హీరోయిన్లుగా నటించిన ఇద్దరు హీరోయిన్లు ఆయనకు తల్లిగా కూడా నటించారు. ఇక ఇప్పుడు ఆ ఇద్దరు హీరోయిన్లు ఎవరు.. వారు తల్లిగా చేసిన సినిమాలు ఏమిటో ఇప్పుడు చూద్దాం.
ముందుగా 1979లో చిరంజీవి జయసుధ కాంబినేషన్లో ఇది కథ కాదు అనే సినిమా వచ్చింది. ఈ సినిమాను తమిళ అగ్ర దర్శకుడు బాలచందర్ తెరకెక్కించారు. అంతేకాకుండా మరోసారి మగధీరుడు సినిమాలో కూడా చిరు- జయసుధ కలిసి జంటగా నటించారు. ఆ తర్వాత 1995లో కోడి రామకృష్ణ దర్శకత్వంలో వచ్చిన రిక్షావోడు సినిమాలో మాత్రం జయసుధ చిరంజీవికి తల్లిగా నటించింది. ఇక దీంతో అందరూ ఒక్కసారిగా షాక్అయ్యారు.
అంతేకాకుండా 1980లో వచ్చిన ప్రేమ తరంగాలు సినిమాలో చిరంజీవికి జంటగా మరో సీనియర్ హీరోయిన్ సుజాత నటించారు.. అంతే కాకుండా తర్వాత వచ్చిన సీతాదేవి సినిమాలో కూడా సుజాత చిరంజీవికి చెల్లి పాత్రలో నటించింది. ఇక అక్కడితో ఆగకుండా 1995లో మెగాస్టార్ హీరోగా బిగ్ బాస్ సినిమా వచ్చింది ఈ సినిమాలో సుజాత, చిరంజీవికి తల్లిగా నటించింది. ఇలా జయసుధ, సుజాత చిరంజీవికి హీరోయిన్ల గానే కాకుండా తల్లి చెల్లిగా కూడా నటించారు.