మెగా కోడలు ఉపాసన ఇటీవల ఒక ఆడపిల్లకు జన్మనిచ్చిన సంగతి తెలిసిందే. తాజాగా ఉపాసన రామ్‌చరణ్ ముద్దుల కూతురు బారసాల వేడుకలు ఘనంగా జరిగాయి. మెగా ప్రిన్సెస్ కు క్లీంకార అనే పేరును పెట్టినట్టు పాప త‌ల్లి తండ్రులు రామ్‌చరణ్ – ఉపాసన దంపతులు ట్విట్టర్ ద్వారా అనౌన్స్‌ చేశారు.
మెగా ప్రిన్సెస్ తాత చిరంజీవి బారసాల పూర్తయిన తర్వాత ట్విట‌ర్ వేదిక‌గా ఉపాసన – రామ్ చరణ్ తల్లిదండ్రులతో కలిసి పాపను ఉయ్యాలలో వేసి దిగిన ఫోటో షేర్ చేశాడు. దీంతో పాటు చెంచు గిరిజన దేవత భావమ్మ దేవి దీవెనలతో మేము మా ముద్దుల మనవరాలుకి క్లీంకార అని పేరు పెట్టామంటూ ఓ నోట్ షేర్ చేశాడు చిరంజీవి.
మెగా ప్రిన్సెస్ పేరుకి గల అర్థాన్ని ప్రాముఖ్యతను కూడా ఆ నోట్‌లో వివరించాడు. ఆ నోట్ పై చరణ్ అమ్మా నాన్న చిరంజీవి – సురేఖ ఉపాసన తల్లిదండ్రులు అనిల్ – శోభన సంతకాలు ఉన్నాయి. మెగా ప్రిన్సెస్ పేరుని లలిత సహస్రనామాల నుంచి తీశామని.. క్లీంకారా అంటే ప్రకృతి మాత స్వరూపం, ఆదిశక్తి ఆశీస్సులు ఆ పేరులో ఉంటాయని… ఆ పేరులో పవర్ఫుల్ వైబ్రేషన్స్ ఉన్నాయని ట్విట్టర్లో పేర్కొన్నాడు చిరంజీవి.
నా మనవరాలు పెద్ద అయిన‌కొద్ది ఆ స్వభావాలను తనలో ఇముడ్చుకుంటుంద‌ని కోరుకుంటున్నాను అని ట్విట్ చేశాడు. ఏదేమైనా గ‌త కొద్ది రోజులుగా మెగా ఫ్యామిలీలో పుట్టే బిడ్డ ఎవ‌రు ? అన్న ఉత్కంఠ నెల‌కొంది. మెగా ఆడ‌ప‌డుచు జ‌న్మించ‌గా.. ఆ పాప‌కు పెట్టిన పేరు కూడా ఇప్పుడు బాగా హైలెట్ అవుతోంది.