ఎంగ్ యేజ్‌లో ఉండే ప్రతి ఒక్కరూ ఆలోచించేది పెళ్లి గురించి… పెళ్లి విషయంలో వారు ఎన్నో కలలు కంటూ ఉంటారు. పెళ్లి చేసుకోవాలంటే రెండు కుటుంబాలు వారి గురించి ఒకరినొకరు బాగా తెలుసుకోవాలని పెద్దలు చెప్తున్నారు. అంతేకాకుండా అబ్బాయిలు, అమ్మాయిలు పెళ్లి విషయంలో చాలా కలలు కూడా కంటూ ఉంటారు. అందుకే ఎన్నో సంబంధాలు చూసి ఏరికోరి మరి భాగస్వామిని ఎంపిక చేసుకుంటూ ఉంటారు. తనతో జీవితాంతం హ్యాపీగా ఉండాలంటే కష్ట, సుఖ, సంతోషాల్లోనూ అన్నింటా తనతో కలిసి నడవాలని కోరుకుంటూ ఉంటారు.
కుటుంబంలో సంతోషాలు వచ్చినా ,బాధలు వచ్చినా ఒకరినొకరు అండగా నిలబడాలి అనుకుంటారు. 20 ఏళ్లు పెంచి పెద్ద చేసిన తల్లిదండ్రులను వదిలి అమ్మాయి వేరే ఇంటికి అడుగుపెట్టాలనుకున్నప్పుడు కొన్ని రకాల విషయాలను కచ్చితంగా గుర్తుపెట్టుకోవాలి. అలా 20 సంవత్సరాలు పెరిగిన వాతావరణం నుంచి మన ఇంటికి అడుగుపెట్టే అమ్మాయి ఎలా ? ఉండాలో ఎలాంటి లక్షణాలు ఉండాలో ఇప్పుడు చూద్దాం. అందాన్ని చూసి కాకుండా మంచి గుణం ఉన్న అమ్మాయిని చూసి ఎంచుకోవాలి. అప్పుడు వారి జీవితం సంతోషంగా ఉంటుంది.
అమ్మాయిలకు ముఖ్యంగా ఉండాల్సింది ఓర్పు, సహనం. ఈ రెండు లేనప్పుడు వారి జీవితం ఎప్పుడూ ఇబ్బందికరంగానే ఉంటుంది. ఓర్పు, సహనం మనిషిని చూడగానే అర్థమవుతాయ ఏంట‌ని మీకు సందేహం రావచ్చు కానీ మాట్లాడే విధానం.. విషయాలకు స్పందించి తీరుని బట్టి మనం అవగాహన తెచ్చుకోవచ్చు.. ఆ వ్యక్తికి సహనం ఉందో లేదో అర్థం చేసుకోవచ్చు. సాంప్రదాయమైన కుటుంబం నుంచి వచ్చినంత మాత్రాన వారు సాంప్రదాయంగా ఉంటారని చెప్పలేము.
పెరిగిన వాతావరణం ప్రభావం కూడా కాస్త ఉంటుంది.. కాబట్టి వారి వ్యక్తిత్వాన్ని పూర్తిగా అర్థం చేసుకున్న తర్వాతే వివాహం చేసుకోవాలి. కోపం అమ్మాయిలకు మాత్రమే కాదు ఎవరికైనా ప్రథమ శత్రువు. తన కోపమే తన శత్రువు అని పెద్దలు ఊరికే అన‌లేదు.. మీ జీవితంలోని అమ్మాయిని ఆహ్వానిస్తున్నప్పుడు కోపం విషయానికి పరిశీలించండి. ఇలా ఈ లక్షణాలు ఉన్న అమ్మాయిలను చూసి వివాహం చేసుకుంటే వారి జీవితం సంతోషంగా ఉంటుంది.