తెలుగు సినీ పరిశ్రమలో నందమూరి బాలకృష్ణ , మెగాస్టార్ చిరంజీవి, అగ్రహీరోలుగా కొనసాగుతున్న సంగతి మనందరికీ తెలిసిందే. వ్యక్తిగతంగా ఎలాంటి విభేదాలు లేకున్నా… బాక్సాఫీస్ వద్ద నువ్వా నేనా అంటూ ఈ ఇద్దరు హీరోలు అనేక సార్లు పోటీ ప‌డ్డారు. ఇప్పటికీ ఈ ఇద్దరు హీరోల మధ్య ఆ పోటీ అలాగే కొనసాగుతుంది. అంతేకాకుండా సోషల్ మీడియాలో కూడా మెగా వర్సెస్ నందమూరి అన్నట్లు వార్స్ ఎప్పుడూ నడుస్తూనే ఉన్నాయి.
అయితే కొన్ని ఏళ్ల నుంచి చిరంజీవి, బాలకృష్ణ అంటీముట్టనట్టుగా వ్యవహరిస్తున్నారు… ఒకప్పుడు మాత్రం చాలా సన్నిహితంగా ఉండేవారు. గతంలో వీరిద్దరూ కలిసి ఓ మల్టీస్టారర్ సినిమాకు కూడా సైన్ చేశారట. కానీ అనూహ్యంగా ఈ సినిమా నుంచి చిరంజీవి తప్పుకున్నాడట. ఇంతకీ చిరంజీవి, బాలయ్య కాంబోలో మిస్సయిన సినిమా మరేదో కాదు ‘ అపూర్వ సహోదరులు ‘. కె. రాఘవేంద్రరావు దర్శకత్వం వహించిన ఈ సినిమా లో బాలయ్య ద్విపాత్రాభినయం చేసాడు.
విజయశాంతి, భానుప్రియ హీరోయిన్లు గా న‌టించిరు. 1986 అక్టోబర్ 9న విడుదలై ఈ సినిమా బాక్సాఫీస్ వద్ద సూపర్ హిట్ గా నిలిచింది. అయితే నిజానికి అపూర్వ సహోదరులు సినిమాని మొదట ఓ మల్టీస్టారర్ గా అనౌన్స్ చేశారు. ఇందులో చిరంజీవి, బాల‌కృష్ణల‌ను హీరోలుగా ఎంపిక అయ్యారు. కొంత షూటింగ్ కూడా పూర్తయింది. కానీ ఏమైందో ఏంటో తెలియదు కానీ చిరంజీవి ఈ సినిమా నుంచి తప్పుకున్నాడు. దీంతో చిరంజీవి క్యారెక్టర్ కూడా బాలకృష్ణని చేసి.. సూపర్ హిట్‌ను దక్కించుకున్నాడు.