నటరత్న ఎన్టీఆర్ ఏ సినిమా అయినా తీస్తే దానిలో ప్రతి సన్నివేశాన్ని ఆయన ముందుగా బ్ర‌హ్మాండ‌మైన విజువ‌ల్స్ ఊహించుకున్న తర్వాతే ఆ సన్నివేశాన్ని తెరకెక్కించేవారు. ఆయన ఎలా అనుకున్నారో ? అదే విధంగా ఆ సన్నివేశం వచ్చేదాకా ఎంతో ఇన్వాల్వ్ అవుతూ ప్రతి ఫ్రేమ్‌లోను తన ముద్ర కనిపించేలా చూసుకునేవారు. ఇలా ఎన్టీఆర్ దర్శకత్వంలో వచ్చిన ప్రతి సినిమా సూపర్ హిట్లు అయ్యాయి.
ఎన్టీఆర్ కెరీర్ తొలినాళ్లలో ఎవరూ చేయని సాహసోపేతమైన సినిమాలకు ఎక్కువ ప్రాధాన్యత ఇచ్చేవారు. మరీ ముఖ్యంగా పౌరాణిక సినిమాలకు అధిక ప్రాధాన్యం ఇచ్చేవారు. అలా ఎన్టీఆర్ దర్శకత్వంలో వచ్చిన తొలి సినిమా సీతారామ కళ్యాణం. ఈ సినిమాలో ఎన్టీఆర్ రావణాసురుడి పాత్రలో నటించారు. అంతేకాకుండా ఎంతో వైవిధ్యంగా రావణాసురుడి జీవితాన్ని చూపించారు. ఇది ఎలా ఉన్నా ?రామాయణంలోని కీలకమైన ఘట్టాలను యధాతధంగా చిత్రీకరించే ప్రయత్నం చేశారు.
ఇక ఆదే సమయంలో ఎక్కడ రాజీ పడలేదు. ఈ సినిమా కోసం ఎన్టీఆర్ వాహినీ స్టూడియోను సంవత్సరం పాటు అద్దెకి తీసుకుని తెరకెక్కించారు. ఆ రోజుల్లో ఆ స్టూడియోను అన్ని రోజులు అద్దెకి తీసుకొని చిత్రీకరించిన సినిమా కూడా ఇదే. ఇదే సమయంలో ఈ సినిమా ఎలా ఉన్నా ఈ సినిమాలో వచ్చే సీతారాముల కళ్యాణం పాట చివరిలో వస్తుంది.. ఇక ఈ పాటను సముద్రాల సీనియర్ రచించారు.
ఇప్పటికీ ఈ పాటను ఏ పెళ్లి జరిగిన, శ్రీరామనవమి పందిళ్లలో సహా ఆలయాల్లో మారుమోగే.. ”శ్రీ సీతారాముల కళ్యాణము చూతము రారండీ.” ఈ పాట ఇప్పటికీ అందర్నీ అలరిస్తూనే ఉంది.
ఈ పాటను రాసింది సముద్రాల సీనియర్.. సంగీతం అందించింది ఘంటసాల.. ఇక ఈ పాటను ఆరోజులో ఒక రాత్రిలో ఏమి రాయలేదు పాట రాయడానికి మూడు నెలల సమయం తీసుకోవాల్సి వచ్చింది. ఈ సన్నివేశం కోసం ఎలాంటి పాట రాసిన అన్న గారికి నచ్చేది కాదట.
పాట రాసేవారికి ఒకటే చెప్పేవారు మీరు ఏం చేస్తారో తెలియదు ఈ పాట కొన్ని తరాలపాటు నిలిచిపోవాలి అంటూ సముద్రాలకు చెప్పారట.. అన్నగారు చెప్పిన విధంగానే సముద్రాల ఈ పాటను ప్రాణం పట్టి రచించాడు. ఈ పాట ఇప్పటికీ ఎంతో అజరామవరంగా నిలిచిపోయింది. ఈ పాట ఎప్పుడు చూసినా ఎన్టీఆర్ కష్టం ఆయన ఆలోచన ఏంటో అందరికీ అర్థమవుతుంది. అందుకే ఎన్టీఆర్ చిరస్మరణీయుడుగా నిలిచిపోయాడు.