నందమూరి బాలకృష్ణ ఇప్పటికే త‌న కెరీర్‌లో ఎన్నో విభిన్న‌మైన పాత్ర‌ల్లో న‌టించారు. ఇప్పటికే 107 సినిమాల్లో న‌టించిన బాలయ్య చేయ‌ని పాత్ర అంటూ ఏదీ లేదు. పౌరాణికం, సాంఘీకం, చారిత్ర‌కం ఇలా చెప్పుకుంటూ పోతే బాలయ్య చేసిన పాత్ర‌లు ఆ త‌రం జ‌న‌రేష‌న్ హీరోల్లోనూ ఎవ్వ‌రూ చేయ‌లేదు. పాత త‌రంలో ఎన్టీఆర్ త‌ర్వాత మ‌ళ్లీ బాల‌య్యే అన్ని పాత్ర‌ల్లో న‌టించి మెప్పించారు.
ఇక బాల‌య్య‌కు ఓ డ్రీమ్ రోల్ ఉంది. అదే చెంఘీజ్ ఖాన్. ఈ పాత్ర‌లో బాలయ్య న‌టించాల‌ని ఎప్ప‌టి నుంచో కోరుకోవ‌డం… అయినా అది సాధ్య‌ప‌డ‌క‌పోవ‌డం జ‌రుగుతూ వ‌స్తోంది. అస‌లు తెలుగు ప్రేక్షకులకు చెంఘీజ్ ఖాన్ గురించి పెద్దగా తెలియక‌పోవ‌చ్చు. అత‌డు మంగోలులు నాయ‌కుడు. ఓ బందిపోటు దొంగ. మ‌నోడు పునాది వేసిన మంగోల్ సామ్రాజ్యం ప్ర‌పంచంలోనే అతి పెద్ద సామ్రాజ్యంగా నిలిచింది.
ఓ సంచార జాతికి చెందిన వాడు చెంఘీజ్ ఖాన్. షామనిజం మతానికి చెందిన ఈయన ఈశాన్య ఆసియాకు చెందిన ఎన్నో సంచార తెగలకు చెందిన ప్ర‌జ‌ల‌ను ఒక్క‌టి చేశాడు. మామూలుగా ఈ హీరో చ‌రిత్ర తెర‌కెక్కించాలంటే సాధ్య‌మ‌య్యే ప‌నికాదు. ఓ టాలీవుడ్ ద‌ర్శ‌కుడు ఈ బాధ్య‌త‌ను భుజాన వేసుకుని స్క్రిఫ్ట్ ప‌నులు చేస్తున్నాడ‌ట.
.jpg)
నిర్మాత కోనేరు సత్యనారాయణ ఈ సినిమా నిర్మించే క్ర‌మంలోనే బాల‌య్య‌కు అడ్వాన్స్ కూడా ఇచ్చేసిన‌ట్టు ఇండ‌స్ట్రీ అంతా ఒక్క‌టే టాక్ ? ఇప్పటికే బాలయ్య వ‌రుస‌గా క్రేజీ ప్రాజెక్టుల‌తో దూసుకు పోతున్నాడు. ఇప్పుడు ఈ ప్రాజెక్టు గురించి కూడా అప్‌డేట్ రావ‌డంతో అస‌లు బాలయ్య ఫ్యాన్స్‌ను ఎవ్వ‌రూ ఆప‌లేరు.