పెద్ద‌గా హ‌డావిడి లేదు.. అంత ప‌బ్లిసిటీ కూడా లేదు. పైగా ఆ సినిమాను లీడింగ్‌లో ఉన్న బ‌య్య‌ర్లు కూడా కొనేందుకు ఇష్ట‌ప‌డ‌లేదు. చాలా నార్మ‌ల్‌గా రిలీజ్ అయ్యింది. క‌ట్ చ‌స్తే టాక్ కూడా వీక్‌గానే ఉంది. ఫ‌స్ట్ డే క‌లెక్ష‌న్లు మాత్రం కుమ్మి ప‌డేసింది. అదే బిచ్చగాడు 2 సినిమా. అప్పుడెప్పుడో వ‌చ్చిన విజయ్ ఆంటోనీ బిచ్చగాడు సినిమా తెలుగులో పెద్ద సంచ‌ల‌నం క్రియేట్ చేసింది.
20 ఏల్ల క్రితం విక్ట‌రీ వెంక‌టేష్ హీరోగా వ‌చ్చిన శీను సినిమా డైరెక్ట్ చేసిన ఐవి. శ‌శి ఈ సినిమాను డైరెక్ట్ చేశాడు. త‌మిళ్ మించి తెలుగులో ఈ సినిమా సూప‌ర్ హిట్ అయ్యింది. ఇక ఇప్పుడు బిచ్చగాడు 2 సినిమాను విజయ్ ఓన్‌గా డైరెక్ట్ చేసుకున్నాడు. కావ్య థాప‌ర్ హీరోయిన్‌. సినిమాపై పెద్ద‌గా అంచ‌నాలు లేక‌పోవ‌డంతో ఎవ్వ‌రూ కొనేందుకు కూడా ముందుకు రాలేదు.
వెస్ట్ గోదావ‌రి లోక‌ల్ బ‌య్య‌ర్ ఒక‌రు ఏపీ, తెలంగాణ రైట్స్ రు. 5 కోట్ల‌కు తీసుకుని చాలా త‌క్కువ రేట్ల‌కే ఏరియాల వారీగా ఇచ్చారు. ఇక పెద్ద పెద్ద రేట్లు కూడా తీసుకోలేదు. ఉత్త‌రాంధ్ర రు. 45 ల‌క్ష‌లు, నైజాంలో ఓ కోటి రూపాయ‌ల‌కు అమ్మారు. అయితే తొలి రోజే మైండ్ బ్లాకింగ్ వసూళ్లు రాబ‌ట్టింది. తొలి రోజే నైజాంలో ఏకంగా రు. 65 ల‌క్ష‌లు, ఉత్త‌రాంధ్ర‌లో రు. 36 ల‌క్ష‌లు రాబ‌ట్టింది.
ఇక కృష్ణా జిల్లాలో రు. 19 ల‌క్ష‌లు వ‌చ్చాయి. అస‌లు మ‌హామ‌హా పెద్ద సినిమాల‌కే ఈ రేంజ్‌లో తొలి రోజు వసూళ్లు రాలేదు. స‌రైన టాక్ లేకుండానే ఈ రేంజ్‌లో వసూళ్లు రావ‌డంతో ట్రేడ్ వ‌ర్గాలు కూడా షాక్ అవుతున్నాయి. అదే బిచ్చగాడు 1కు వ‌చ్చిన టాక్ వ‌చ్చి ఉంటే.. బిచ్చగాడు 2 ఫ‌స్ట్ డే ఏ రేంజ్‌లో వసూళ్లు కొల్ల‌గొట్టేదో లెక్క‌ల‌కే అందేది కాదు. నైజాంలో ఈ సినిమా లాంగ్ ర‌న్‌లోనే రు. 5 కోట్ల రేంజ్‌లో రాబ‌డుతుంద‌ని లెక్క‌లు క‌డుతున్నారు.